الهنوف اللي سرت من نجد وامست بالحويه
ضيقت صدر الرياض وسافر الطايف وجاها

وانثنى غيم الحجاز...وخـد نجـد النرجسيـــه
يوم جاته من زعلها كنـها تقصـر خطاهـــــا

زعلوها وازعلت واخلت قصـور الفاخــــريـه
والحقتني شرهة الـــزعلان واخطاني رضاها

سافرت... والله ماخبر.... اللـي يزعلهـا عليـه
واستباحت... يالله الخيره سهر عينـي وماهـا

ليتها... يوم... استباحت دمعـة العيـن الشقيـه
استباحت... دم قلبي.... من خلاهـا فـي خلاهـا

سامح الله... ظلمها وطعونها الخضـر النديــــه
والله يسامح... خناجرها.... ويعفو عـن خطاهـا

عرضتني للهبايـب والظمـا والمهمهيــــــــــه!
واتركتني للـــــزعل والشوق والكبـر وغلاهـا !

الغـلا ماهـو فـي يديهـا! .... ولاهو فـي يديـه
الغلا شي(ن) من الله... واشهد ان الله عطاهـا

ومن غلاها؟ لو توردني على حـوض المنيـه !
كنها تسقيني الشهـد المصفـى مـن شفاهـا !!

ومن حلاها ما توصفها الحـروف الابجديـه !
كيف توصف وردة(ن)يبري من العله شذاها !

الورود تغـار منهـا مزهريـــــــــه مزهريـــــــه
وان تباهت عذرها معها يحـــــــق لهـا تباهـا !

مـا يشابهـا شبيـه... ولا يحاليهـا حليــــــــــــه
جل رب (ن) يوم صورها .....فرقها عن سواها

لا اقبلت هيجنت ...ولا اقفت جذبت السامريـه !
واعذابـــــــي ان عطتنـي وجههـا والا قفاهـا !!

ان بدالي وجهها يشبـه صبـــــــــــاح اليوسفيـه
وان غشتني نفحة(ن) من ليلها يسعد لي مساها

درة(ن) بالمـوت محروسـه وبالبحـــــــر محميـــه !
البحر من دونها ..... والموت الاحمر مـــن وراها

دونها ما اغليت؟ .. واسمح لي ولا شداد المطيـه!
مرخص(ن) بالقاع عمري والثـــــــريا فـي سماهـا

لايمي يبلــــــــى بحب الحضر في عيون بدويـه !
فــــــي ظروف(ن) ما يقـارن مستـواه بمستواهـا

الله اقوى يافقير القلب ابو نفس (ن) غنيــــــــــــه
مالك الا الصبر والجنـــــــــــــــه لقاها مـن لقاهـا

والهوى؟ اللي يطرح الرجال في يديـــــــن أجنبيه
علـة(ن) .. بالجـوف لا تبـرى ولا يلقـى دواهـا !

والهنوف ؟ اللـــي رضت بالثار تاخذها الحميـه
شفتها بالعين في قلبي وهي تاخـذ قضاهـــــــــا

وشفتها تشتاق تطعني بـــــلا ذنـب وخطيــــــه
كثر ؟ ما تشتاق لاعماقـــي وانا اشتـاق لدفاهـا !

كل ما عرقـت بنسمهـا تحـــــــــــريـت لخويـه
والحقت الميسم بميسم كـــــــــذا علـى عماهـا

عاقبتنـي كـل يـــــــــــــوم تلحـق الكيـه بكيـه
واتعبتني وادركتنـــــــي والحقت نفسـي مداهـا

وان تمادت جهزو قبري وانا ابكتب وصيــــــه
ابكتب ...... الله لا يعاقبها ويرضـى لـي علهـا

العمـار تلفـه الايــــــــــــــــام والدنـيـا مـديـه
والسنين تلف بــــــي والنار تحرق من وطاهـا

علموها تلحق الباقي مـــــادام الشمـس حيـه
وتغانــــــم ما بقـى منـي ومـا تطلـب فداهـــــا

لاتمـادى فـي جفاهـا..... والريـاح الموسميـه
ما تقدر ...... وقفت الاشجـار وتثمـن عطاهـا

علموها ما بقى لـي غيـر ادن الهاشميــــــه
كان ترضاها علي والا تهون عـن جفاهــــــا

وانصحوها لا تحمل نفسهـا نفـس بريــــــه !
وذكروهـا بالقبـر لاعلهـا والا عسـاهـــــــــا !

وعلموهـا علموهـا لاتطـول بالحـويــــــــــــه
ديرتاً ماهي بديرتها لو اعجبهـا هواهـــــــــا !!


قصيدة رائعة اعجبتني